عروسة نقاوة حمار وحلاوة

ازيكم ياشباب
حد عاوز يجوز
اللى عاوز يجوز ييجى هنا عروسة نقاوة حمار وحلاوة




صباح الخير

صباح النور يا بابا

امال امك فين

بتحضر باقى الفطار
و لما هى لسه بتحضر فى الفطار حضرتك قاعد بتاكل ليه مش تستنى لما كلنا نتلم على السفرة
معلش يا بابا اصلى مستعجل شوية

مستعجل ليه يا اخويا وراك الديوان
لأ اصلى نازل اقابل اصحابى بتوع الكلية بقالنا كتير ما اتقابلناش

تقابل اصحابك و انا اللى كنت فاكرك رايح تدور على شغل
ما انا بادور و الله يا بابا بس انت عارف الظروف

يا
نعمة خلصى بسرعة عايز الحق اروح الشغل . و انت خف شوية هو انت داخل سبق مع
طبق البيض ارحم نفسك لسه اخواتك هايفطروا قبل ما يروحوا المدارس
فى ايه يا حسين ما تسيب الواد ياكل
هو انا قلت حاجه ما ياكل بس يرحم شوية لسه اخواته ما فطروش

رايح فين يا حبيبى اقعد كمل اكلك
لا يا ماما شبعت خلاص الحمد لله
شايف اللى عملته فى الواد لازم كده تطفحه كل لقمة ياكلها

انتى هاتقرفينى ليه على الصبح طب و الله ما انا واكل و هاسيب لك البيت تشبعى بيه انتى و المحروس البكرى بتاعك

حسين راح الشغل ورجع مبسوط
هازيك يا نعمة

الحمد لله

طارق رجع و لا لسه
رجع منين ده يا ضنايا بعد ما سميت بدنه بالكلمتين بتوع الصبح و هو من ساعتها حابس نفسه فى اوضته مش عايز يخرج منها

طب خلاص اندهى له عشان اصالحه ده انا جايب له خبر هايخليه يرقص من الفرح

بجد و الله . اوعى يكون ورقه اتقبل فى الشركة عندك

ان شاء الله هايتقبل ده الخبر اللى عندى انقح

خبر ايه فرحنى

جايب له عروسة لكن ايه بقى نقاوة

عروسة ايه يا حسين هو الواد حيلته ابيض و لا اسود و لا عايزة يروح للناس ايد ورا و ايد قدام

و انتى مالك دى عروسة مرتاحه على الاخر

يعنى ايه مرتاحه اوعى تكون كبيرة فى السن

كبيرة ايه هو انا اتجننت هاجوزة واحده كبيرة دى بنوته صغيرة لسه

و البنوته الصغيرة دى هاترضى بابنك و هو عاطل ازاى يعنى

يا ستى اندهي له انتى بس و انا هاحكى لكم على كل حاجه
حاضر

و راحت نعمة ندهت لطارق و حكت له على اللى حسين بيقوله

نعم يا بابا

امك قالت لك طبعاً على موضوع العروسة

اه

طب و ايه رأيك

رأيى فى ايه هو انا كنت شوفتها

يا ابنى ايه رأيك فى فكرة الجواز نفسها يعنى عندك استعداد تتجوز

يا بابا انا نفسى اتجوز من بعد ما خدت الاعدادية بس هاجيب منين

من الناحية دى اطمن هى مش محتاجة منك حاجه خالص

يا راجل انت عايز تجننى يعنى ايه مش محتاجه حاجة منه

بصى
يا ستى الحكايه انى بعد ما روحت الشغل قولت ادخل للمدير اقوله على ورق
طارق عشان التعيين و قعدت اقوله ان الولد مؤدب و كويس قوى و نفسه يشتغل
عشان يكون نفسه و كده يعنى لقيت الراجل بيسألنى اذا كان طارق خاطب و لا لأ
و لما قولت له انه مش خاطب لمح لى على بنته و انها كل ما يجيلها عريس يطلع
طمعان فيهم و انه نفسه يجوزها لواحد ابن حلال يخللى باله منها

لمح لك ما دام بيدلل عليها تبقى اكيد فيها حاجه مش مظبوطه

يا وليه حرام عليكى طالع لك بنات

انا ما اقصدش حاجه وحشة استغفر الله العظيم انا قصدى اكيد مش حلوة مادام بيدور لها على عريس

و ليه ما تقوليش انه خايف على اللى هايسيبه لها اصلها بنته الوحيدة

الله اعلم بس انا قلبى مش مطمن للموضوع ده

و انت ايه رأيك

مش عارف و الله يا بابا بس كلام ماما يقلق الصراحه

سيبك من كلام امك . انت عارف لو اتجوزت نورا دى هاتبقى انت الكل فى الكل فى الشركة و بكرة تقعد مكان حماك

انت قوام عملته حماه

اسكتى بقى بص يا طارق انت لو فضلت كده عمرك ما هاتعرف تجيب شقة و لا تتجوز فى سنتك . قولت ايه يا ابنى اقول للراجل اننا هانزوره
ماشى يا بابا بس لو طلعت وحشة مش هاتجوزها

ان شاء الله ربنا هايخيب ظن امك و البت هاتطلع كويسة

يا رب يا اخويا و هو انا اكره افرح بيه و اشوفه فى الكوشه جنب عروسته ده يوم المنى


ايه اللى حصل بعد كده؟؟؟؟؟؟
هنشوف الحلقة الجاية
تقبلو تحياتى

اما نشوووووووووووووووف