المنشاوية
عزيزي الزائر / عزيزتي الزائرة منتدى أحباب منشاة سلطا ن يرحب بك فمعك على الخط أبيك وأمك وأخيك وأختك وأبنك وابنتك الجميع يرحبون بك مرحبا زائرنا الفاضل اهلا بك لو علم المنتدى بمن يزوره لفرح واستبشر بقدومه ...

ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



المنشاوية

اهلا يازائر
 
الرئيسيةالبوابةس .و .جالتسجيلدخول
قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ *
منشاة سلطان- اهل الكرم - اهل المحبه - اهل الشهامه- أسأل الله العظيم أن يجعل هذا المنتدى سببا لكل خير لقريتنا -وأن يكون سببا للتقارب والتواصل بين أهلها- اللهم بارك في قريتنا
اللهم احمى مصر وشعب مصر اللهم استودعتك مصر وأهل مصر يارب اختار لهم الخير اللهم ألف بين قلوبهم ووحد صفوفهم اللهم احفظهم بعينك التى لا تنام اللهم أبر لهم أمر رشد يعز فيه اهل طاعتك ويذل فيه اهل معصيتك اللهم احفظهم بحفظك واستر عليهم بسترك اللهم آمن روعاتهم وأصلح حالهم عاجلا غير آجل يارب
منتدى المنشاوية أحباب منشأة سلطان يتقدم بخالص التهاني القلبيه لجميع اهالى القرية بمناسبة حلول عيد الاضحي المبارك اعاده الله علينا وعليكم بالخير واليمن والبركات ومزيد من التقدم
عدد الزوار
clavier arabe
المواضيع الأخيرة
» حدث فى مثل هذا اليوم 14 ديسمبر
اليوم في 12:06 am من طرف احمدشعبان رجب

» حدث فى مثل هذا اليوم 13 ديسمبر
أمس في 3:44 am من طرف احمدشعبان رجب

» حدث فى مثل هذا اليوم 12 ديسمبر/
الأربعاء 12 ديسمبر 2018, 4:07 am من طرف احمدشعبان رجب

» حدث فى مثل هذا اليوم 11 ديسمبر
الثلاثاء 11 ديسمبر 2018, 4:33 am من طرف احمدشعبان رجب

» حدث فى مثل هذا اليوم 10 ديسمبر
الثلاثاء 11 ديسمبر 2018, 4:31 am من طرف احمدشعبان رجب

» حدث فى مثل هذا اليوم 9 ديسمبر
الثلاثاء 11 ديسمبر 2018, 4:30 am من طرف احمدشعبان رجب

» حدث فى مثل هذا اليوم8 ديسمبر
الثلاثاء 11 ديسمبر 2018, 4:28 am من طرف احمدشعبان رجب

» حدث فى مثل هذا اليوم 7 ديسمبر
الثلاثاء 11 ديسمبر 2018, 4:27 am من طرف احمدشعبان رجب

» حدث فى مثل هذا اليوم 6 ديسمبر
الثلاثاء 11 ديسمبر 2018, 4:26 am من طرف احمدشعبان رجب

» حدث فى مثل هذا اليوم 5 ديسمبر
الثلاثاء 11 ديسمبر 2018, 4:25 am من طرف احمدشعبان رجب

بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
احمدشعبان رجب - 5836
 
admin - 3004
 
سعاد توفيق - 1034
 
نجوى - 500
 
matrex` - 474
 
وفاء - 336
 
على صقر - 305
 
اسلام - 252
 
ام محمود - 252
 
احمدحمزة - 251
 
مواقيت الصلاه
ساعة

شاطر | 
 

 أفراح منشاة سلطان الفلاحي الجميييييلة

اذهب الى الأسفل 
كاتب الموضوعرسالة
احمدشعبان رجب
المراقب العام
المراقب العام
avatar

اعلام الدول اعلام الدول : مصر ام الدنيا
عدد المساهمات : 5836
تاريخ التسجيل : 17/04/2010
العمر : 59

مُساهمةموضوع: أفراح منشاة سلطان الفلاحي الجميييييلة    السبت 21 مايو 2011, 4:31 pm

الفرح الشعبي والفرح الريفي وجهان لعملة واحدة.. هذه العملة هي (الفرحة الحقيقية) سواء للعروسين أو الأهل، والفرحة هنا لا تقتصر علي يوم أو ليلة واحدة أو فترة زمنية محددة كما هو الحال في أفراح المدينة في القاعات والنوادي والفنادق.

فمراسم الاحتفال في الأفراح الشعبية والريفية تمتد لأربعة أيام أو أكثر من ذلك، ولكل يوم من هذه الأيام طقوسه وأغنياته الخاصة النابعة من تراثنا الشعبي المصري.


التنجيد و الأثاث
يبدأ الفرح ب (ليلة التنجيد) حيث يجتمع أهل العروسين للإعلان عن بداية الأفراح واقتراب موعد الزفاف وهنا نسمع أغاني خاصة بهذه المناسبة فنسمع مثلا
ما تعلي باب الأوضة يا واد يا بنا…
وعلي باب المندره يا واد يا بنا…
وعلي باب القاعة يا واد يا بنا…

ثم تأتي ليلة (نقل الأثاث) من منزل العروسة إلي عش الزوجية، فتنطلق الزغاريد والأغاني من فوق السيارات التي تحمل الأثاث ويبدأ الجميع في الغناء من حول السيارات فنسمع :

افرحي يادي الاوضة.. جياكي عروسه موضة...

افرحي يادي المندرة.. جياكي عروسه سكرة...

افرحي يادي القاعة.. جياكي عروسه الساعة...

وما أن يقتربوا من المنزل الذي سيجمع العروسين حتى نسمع :

رشوا الشارع ميه.. عروسة الغالي جاية .

رشوا الشارع كاكولا.. عروسة الغالي منقولة.

ايوة يا حارة ضالمة .. أجنا اللى نورنا

أيوة يا حارة هس هس .. أحنا اللى عمالنلكم حس



ليلة الحنة
ثم يأتي بعد ذلك مظاهر الاحتفال بالحنة أو(ليلة الحنة) والتي تكون غالبا في بيت العروسة فنجد العروسة تجلس وسط صديقاتها وتتولى إحدى السيدات رسم الحناء علي يديها، ويبدأ أهلها وأقاربها في الغناء علي دق الطبلة فنسمع

مدي ايدك يا عروسه.. مدي ايدك للحنة...

مدي ايدك يا عروسه.. مدي ايدك وتحني...


وكذلك تتغنى السيدات طلبا للعريس

بس الوله يجي.. بس الولة يجي...

يجي عالمحطه.. وادبحلوا بطة...

يجى عند دارنا .. وادبحلة حمامنا ، واشاورلة يجى

يجي عالتسريحة.. وأحطلوا ريحه...

وإسكاتا للأب تغني السيدات

يحيا أبوها يحيا.. يحيا أبوها يا جدعان...

يحيا أبوها وشنبه.. اللي ما حدش غلبه...


وطبعا مالناش الحق نسال اللي أبوها حالق شنبه يعمل إيه.

أما في منزل العريس فالأمر لا يختلف كثيرا فنجد فيه (حفلة وداع العزوبية) وهنا نجد أصدقاء العريس يغنون له فيقول أحدهم

حلال عليك ست الحلوين.. عرفت يا عريسنا تنقي...

رشوا الملح يا ناس م العين.. ورقصوني ده أنا من حقي...

الليلة ليلة هنا وسرور.. وكوبيات في صواني بدور...

ومالناش دعوة باه الكوبيات دي فيها إيه


أدحرج واجري يا رمان
ونصل إلي ليلة الفرح الكبرى .. ليلة الزفاف أو ( ليلة الدخلة ) .. فالأنوار معلقة في بيت العروسين .. أصدقاء العروسة يحيطون بها في إحدى غرف المنزل حيث تجلس بين يدي " الكوافيرة " فتنطلق أغنية

ما تزوقيني يا ماما.. قوام يا ماما...

ده عريسي هايخدني.. بالسلامه يا ماما...

ومتعرفش بصراحة هي مستعجلة علي إيه، أكنها مخطوبة للسيد نجل.... ولا بلاش


أما بيت العريس فترى نفس المشهد , فأصدقاؤه يحيطون به وهو يرتدي ملابس الفرح وهنا نسمع


يا أولاد بلدنا يوم الخميس..

ها كتب كتابي وابقي عريس..

الدعوة عامة وها تبقي لمة..

وها يبقي ليه في البيت ونيس... يا أولاد بلدنا.


أما في الليل تنطلق الزفة وتبدأ بزغاريد متتالية ثم يبدأ الغناء من الجميع، فقد وصلت الفرحة ذروتها، فعلي نغمات الفرق الموسيقية نسمع :

بسم الله الرحمن الرحيم وهنبدأ الليلة.. آه.. آه ..

دة عريسنا الزين كحيل العين وعروستة حلوة وجميلة
حنقول يا ليل، ونقول ياعين..
حصوة في عينك ياللى
ياللى ما تصلى ، ماتصلى على النبى
ثم يبدءون في

صلي.. صلي.. ع النبي صلي

واللي ما يصلي أبوه أرملي.. صلي

وكذلك

أدحرج واجري يا رمان.. وتعالي علي حجري يا رمان..

دانا حجري حنين يارمان.. يخدك ويميل يا رمان..


ونسمع أيضا اشهر الأغاني الشعبية

دقوا المزاهر يلا.. يأهل البيت تعالوا

جمع وفق والله.. وصدقوا اللي قالوا

عين الحسود فيها عود يا حلاوة..

عريس قمر وعروسته نقاوة..

واحنا الليلة دى كدنا الأعادي.


وعند توصيل العروسين تزف العروسة ب

طالعة السلالم يا مشا الله عليها..

ست العرايس والعريس في أيديها.



المنافسة مشتعلة
أما الطريف أننا نسمع أغاني كثيرة تعبر عن المنافسة بين أهل العريس أهل العروسة فلكل جانب أغنياته.

فأهل العريس ينشدون

خدناها ..خدناها ..

طلبناها م الصيف الماضي.. وأبوها ما كنش راضي..

وعلشنها بعنا الأراضي.. الحلوة اللي كسبناها..

خدناها بالملايين.. وهما ما كنوش راضيين..

علشنها بعنا الفدادين.. الحلوة اللي كسبناها.


أما أهل العروسة يغنون

اوعيلوا يابت اوعيلوا.. الضابط يبقي زميله...

اوعالها يا واد اوعالها.. ده العمدة يبقي خالها...

وتستمر هذه الأغاني وسط فرحة الأهل والأحباب حتى تنتهي الزفة ومعها تنتهي الأغنيات في هذه الليلة لتبدأ في مكان آخر إعلانا عن ميلاد فرحة جديدة في منزل جديد .



ودلوقتى علشان تبقو مستعدين للفرح اتفضلو شوية الأغانى دول

أمسك يالا حرامى – حلق يالا حرامى
مالك يا بت انتى وهية على الشباب رايحة وجاية مافيش جواز النوبة دية وامسك يالا ( حرامى – حرامى )
مالكم كدة يا بنات هايمين على الشباب رايحين جايين مافيش جواز واغسلو مواعين وامسك يالا ( حرامى – حرامى )
شوف الشباب التعبانة بتحب البت المليانة وراحت عليكى يا نشفانة وأمسك يالا ( حرامى – حرامى )
شوف الشباب الفقرية بتحب البت الغجرية وراحت عليكى يا بلطية وأمسك يالا ( حرامى – حرامى )
شوف البنات التعبانة بتحب الواد أبو لبانة وراحت علينا يا رجالة وأمسك يالا ( حرامى – حرامى )

يا سلام يا سلام على المحبة والغرام
في بنات تسعد تريح وبنات تودى اللومان
هجبهالكو على بلاطة البنات خلوها بطاطة اللى امها رايحة الخياطة وهى مواعدة عشر جدعان
هجبهالكو على طبلية البنات خلوها ملوخية اللى امها رايحة الكلية وهى مواعدة ابن الجيران
أول يوم انا رايحة النادى تانى يوم انا رايحة النادى البنات ذى الزبادى تاكلها وتصبح جعان

يا ليالى ياليالى يا ليالى ياليالى الفرح تعالى
وقفنا النمل طابور ( يا ليالى ) ركبنا الفيل حانطور ( يا ليالى ) أكلنا الفرخة جاتوة ( يا ليالى ) لابسنا المعزة مايوة
ماما نجوى صباح الخير( يا ليالى ) ماما نجوى مساء الخير ( يا ليالى ) ماما نجوى فكر ثوانى ماما نجوى تكسب صوانى
أنا شايف طبلة وزار ( يا ليالى ) وشباب بتولع نار ( يا ليالى ) دة الحزن في سطرين والباقى كلة هزار
كتاب حياتى يا عين ( يا ليالى ) ما شفت زية كتاب ( يا ليالى ) الحزن في سطرين والباقى كلة حنان
أنا شايف زينة ونور ( يا ليالى ) وعريس ( وشباب ) حلو وأمور ( يا ليالى ) دة الحزن في سطرين والباقى كلة زهور

أدلع يا عريس يا ابو لاسة نايلون أدلع يا عريس وعروستك نايلون
الواد أحمد دة حماتة حباة ( لاى لاى ) من صغرة راحة جاية وراة وبتديلى على قفاة أبو لاسة لاسة نايلون
الواد أحمد دة حلو وزين( لاى لاى ) أحترت اجبلة انا اكل منين تدة داهية في طقة ياكل حمارين أبو لاسة لاسة نايلون
الواد أحمد ركب الحنطور( لاى لاى ) وزمايلة واقفين لة طابور بيقولولة يا ابو بربور أبو لاسة لاسة نايلون
الواد أحمد دة كلة شباب( لاى لاى ) ومراتة واقفالة على الباب واقفة ومسكالة القبقاب أبو لاسة لاسة نايلون

ليلا ليل لايل لا يلا - لا لايل لايلا ليلى ليلا
ودخلت زراعة برجليا ودخلت ولا سمو عليا وخرجت منها بعد سنين لابس سديرى وجلابية
ودخلت بطرى برجليا ودخلت ولا سمو عليا وخرجت منها بعد سنين باربع رجول وليا
ودخلت طب برجليا دخلت ولا سمو عليا وخرجت منها بعد سنين فشلت في اول عملية
ودخلت حقوق برجليا ودخلت ةلا سمو عليا وخرجت منها بعد سنين خسران اول قضية
ودخلت جيولوجيا برجليا ودخلت ولا سمو عليا وخرجت منها بعد سنين ماسك حجارة بايديا

_________________
[ندعوك للتسجيل في المنتدى أو التعريف بنفسك لمعاينة هذا الرابط]


تحياتى





[ندعوك للتسجيل في المنتدى أو التعريف بنفسك لمعاينة هذه الصورة]


اغلب اهتمامات من يدخل النت تكون للمرح والترفية وقليل من يبحث عن علم ينفع ومعرفة تفيد

بحب مصر000
فى الزحمة0000
فى اللمه000
فى ناسها الطيبين000
فى لون الطين000
فى علو برجها000
فى سمار اهلها000
بحبك يامصر000
الرجوع الى أعلى الصفحة اذهب الى الأسفل
http://dlegoo.ahlamontada.com
سعيد باص
منشاوى
منشاوى


اعلام الدول اعلام الدول : مصر ام الدنيا
عدد المساهمات : 101
تاريخ التسجيل : 15/04/2010
العمر : 49

مُساهمةموضوع: رد: أفراح منشاة سلطان الفلاحي الجميييييلة    الثلاثاء 12 يوليو 2011, 9:57 am

فرحهههههههههههههههههههههههههه
الرجوع الى أعلى الصفحة اذهب الى الأسفل
 
أفراح منشاة سلطان الفلاحي الجميييييلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنشاوية :: فنون منشأة سلطان :: الفن الشعبى يامنشاوية-
انتقل الى: