خشو يا جعانيين

طريقة عمل الرز بلبن الى بتعملو مراتى ياريت ماتجربوش هههههه
farao

1 كوب أرز
2 كوب ماء
2 كوب لبن
2 ملعقة نشا
1/2 كوب سكر
1 ملعقة صغيرة فانيليا
قليل من المكسرات و القرفة للزينة

أولا يخلط الأرز مع المعاءو يترك على النار حتى يتم سلق الأرز. حاول ألا تجعل الأرز يتشرب كل كمية الماء. عندما تشعر أن الأرز قد بدأ "يتهرى" وقوام الماء أصبح سميكا أضف اللبن المذاب فيه النشا و السكر و اتركه يغلى غلوة بسيطة حتى يكتسب الأرز طعم اللبن. ثم أضف ملعقة الفانيليا.

يقلب الخليط جيدا ثم يصب ساخنا فى أطباق صغيرة و غويطة. بعد ذلك يرش المكسرات و قليل من القرفة على الوش. يترك ليبرد ثم يوضع فى الثلاجة.

ملاحظة: بعض الناس تحب إضافة الماورد على الخليط قبل صبه فى الأطباق

بصى ياقمر اولا تسلم ايدك على الرز باللبن ده
بس انا لما بعمله مش بصفى النشا خالص
ومش بحط اى منكهات زى ماء الورد او غيره
وبيطلع روعه برضو
وانا هقولك على سر من اسرار الرزباللبن
جربى تسلقيه فى اللبن على طول
وما تحطيش عليه نشا خالص
وبعد ما يستوى حطى عليه معلقه كريم
شانتيه
وماتنسيش تدعيلى

الرز باللبن المصرى اللذيذ

الكمية دى طبعا ممكن تضاعفيها حسب افراد اسرتك
تنعى كوب صغير ارز فى كوب لبن لمدة ساعتين ده طبعا بعد ما تكونى غسلتى الرز كويس اوى
و بعدين تحطى الرز فى حله و معاه كوب لبن على نار هادية لغاية مايستوى الرز و بعدين تضيفى عليه لتر لبن حليب و كوب كبير سكر و نص معلقة صغيرة فانيليا و اثناء ما هما على النار تضربى فى الخلاط 4 ملاعق كبيرة نشا مع ربع كوب ماء او لبن و اول ما اللبن اللى على النار يغلى توطى النار و تصبى اللى فى الخلاط بالراحة و تقلبى و فى اقل من 3 دقايق هيكون جاهز معاكى اسهل و اسرع رز باللبن ان شاء الله و طبعا تحطيه فى اطباق او كبايات و تسيبيه يبرد شوية و بعدين تدخليه التلاجة

المهلبية

المهلبية هى نفس طريقة و مقادير الرز باللبن بس من غير رز
و ممكن تزودى معاها معلقتين كبار كاكاو سادة المر و تبقى مهلبية شوكولاته تحفة الاطفال هيحبوها اوى ان شاء الله

ملاحظات

ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس
و فى مهلبية الشيكولاته بضرب معاهم كمان الكاكاو فى الخلاط
الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع ... النيدو ... النشا ... الكاكاو حسب كل وصفة

انا مش هجربة
ههههههههههههه